قلبي اتوجع
علي ابني وضنايا
راح الجدع
وصورة معايا
بعد نجاحة في الثانوية
دخل سعيد فرحان عليا
وقالي يا امي افرحي
انا قبلت في الحربية
وهحقق حلم غاب
وهلبس البدلة العسكرية
اخدتة في حضني وقولتلة
مبروك يانور عنايا
قلبي اتوجع
علي ابني وضنايا
راح الجدع
وذكراة معايا
وبعد ما اتخرج لقيتة فرحان
وفرحتة ملية المكان
وقالي هحمي بلدي يا امي
واحارب الارهاب كمان
وهفديكي يا امي وبلدي
وروحي للشهادة عنوان
ولقيتة راجعلي شهيد
وقالولي كان كاتبلك جواب
وكاتب انة مات سعيد
ويوم شهادتي اجمل عيد
ومهما حصل
اوعي قلبك ينكسر
ابنك بطل شجاع
الي اللقاء في الجنة يا امي
الودااااااااااااااااااااع
قلبي اتوجع
علي ابني وضنايا
راح الجدع
وذكراة معايا