صامت لساني ولكن في قلبي بركان كلام
علي اللي شافوا الحقيقه واصرو يعيشوا في الاوهام
نور قمرنا سماهم رايح بينا لأدام. وهما كل كلامهم إداكم إيه وبكام. سليم ولكن قلبي بينزف دم علي اللي اتربوا في خيرك ولا يوم شالولك هم. كلو من إيديكي العسل واكلوكي السم. وقالو موتك خلاص آكيد في يوم هيتم. وعشان ربنا اللي حاميكي طلعلك في ليلك بدر. حلف بحبك يابلدي ليمحي آيادي الغدر. ريسنا كمل طريقك وياك ومش راجعين. حالفين بعد الله نبقي معاك لو فين. ونخليكي يامصر زهره البساتين. دا ربنا اللي حميكي ويقدر عليكي مين. عارفك يابلدي عزيزه تقدري عالصعب. عمرك ماتمدي إيدك كل اللي جايلك حب. حبوكي في قلوبهم وشالوكي في المحنه. اتجمعوا حبايبك وقالوا فين احنا. دا انتي شلتينا ياماا وداويتي في جرحنا. وحيات حبك يا بلدي لنعليكي من تاني. وان راح منك شهيد أقول انا التاني.
وان عشت ليكي امانه لأنور قناديلك
و إن ضاقت عليكي في عنيا لأشيلك
وتمشي تتمختري لبسه خلاخيلك
واسهر اغنيلك احلي مواويلك
إتحدوني يا بلدي علي حبك وانا الكسبان
عمرنا في الصحرا ولسه كمان وكمان
يقولو عني ضرير حبك وأنا الولهان
رسمتك حببتي قلب🖤وانا الشريان