إحكي يا آية وقولي يا آية
عن مصيبتنا ألف حكاية
ازاي عانوا لحد ما ماتوا
والمفروض نايمين في رعاية
احكي يا آية
لما مريض سلمكم عمره
جاي متشال ومسلّم أمره
واثق انه في إيد هتساعده
طلعت إيد لحياته نهاية
إحكي يا آيه
مين أهملهم سد عليهم
حتى النفس اللي بيحيهم
سامع صوت صرخات اهاليهم
هم وحزن ونار جوايا
احكي يا آية
شاب بيجري وبيقول يامّا
والدته ماتت خنقه وأزمة
أرواح ضاعت وسط الزحمة
وأب بيصرخ قتلوا ضنايا
احكي يا آية
دانتوا عددكوا يا آية كتير
تمريض وأطباء ومدير
فين الرحمة وفين الخير
دي واجبات مش عاوزه وصاية
احكي يا آية
مش هنسيب القاتل يهرب
سيف العدل ولازم يضرب
ايد المهمل واللي بيخرب
والاهمال هتكونله نهاية
احكي يا آيه
وانتي يا آية بقلب جاهدتي
تنقذي روحهم والله حاولتي
ولما فقدتي الحيلة قعدتي
ودموعك مالعين جرّاية
احكي يا آية
إبكي معايا
هاتي بكاكي ويا بكايا
إبكي يا آية
