يا بلدي انتـــــي الحبيبـة
والشوق في القلب مالينا
صحيـــح قاسيـــة معــانا
وخــيرك ديـــماً مـالـينا
عطيــاه لغــــيرنا هـــدية
واحــــنا بتـقسي عــلينا
بـس احنــا بنحبك لذاتك
يا مصــر انتي ف عـنينا
والقلب عاشقك وولهان
يا بلـدي انتي السـفينة
وخلي بالك يا قبــطان
ويالي معاك في الكبينة
بصــوا علــــى الغلبـان
متقـــولش نـور عنــينا
خليــه بــس لا ينهــان
يحس ان بلده حنيـــنه
ميفضلش يـومه جــعان
وف ليله نفسه حــزينة
ومــهما قــولنا ف كـلام
ومهــما عـدنا وحـــكينا
لازم نعرف يــا جدعــان
ويا شعـب يا ابن الـذينا
العيـب مـش فـي البلد
العيــب أسـاسه فــينـا
فمتـزعليش يــا بلــدنا
حقـك يـا مصر علـــينا
