شعر خالد شاطر
فرقتنا يا خال
وتروح سنين وسنين
وانت عل البال
وحكاياتك عن آمنة
وحراجي القط
اه يا خال يا ابنودي
في لغتك وكمان رحال
بتعدي ايام وسنين
وكأنك موجود في القلب
وبيزيد الحنين
شهم وصعيدي
ما تغيرتش يا سيدي
ولا قلت بقا ولا اوك
لغتك قوية محفورة
جواك وكأنك موجود هناك
ساعة العصاري والبنات
شايلة الصواني
والشاي يحلو مع الأغانى
اه ياني من كلام الغناوي
محفور في قلبنا
ومين يعوضك تانى
بهية وعدوية والقلب الاخضراني
واه ياني من كلام الغناوي
